Կարևորելով պետության կայացման գործընթացում բանիմաց, համակողմանիորեն զարգացած ուսանողների ու երիտասարդների դերակատարումը՝ Գագիկ Ծառուկյանը առանձնահատուկ ուշադրություն է դարձնում կրթական ծրագրերի ֆինանսավորմանը: 2006 թվականին Գագիկ Ծառուկյանը հայտարարեց, որ 100 հազար դոլլարանոց ֆոնդ է գործելու, որտեղից վճարվելու են սոցիապես անապահով, բարձր առաջադիմությամբ ուսանողների ուսման վարձավճարները (առանձին հատկացումներ են եղել նաև տարբեր բուհերի): Սրանից զատ բազմաթիվ ուսանողներ տարբեր կրթական հաստատություններում ստանում են «Գագիկ Ծառուկյան» անվանական կրթաթոշակ: Գագիկ Ծառուկյանի հովանավորությամբ հանրապետության տարբեր քաղաքների ուսանողներ անվճար Երևան են տեղափոխվում ավտոբուսներով: «Գագիկ Ծառուկյան» բարեգործական հիմնադրամի հովանավորությամբ պարբերաբար կազմակերպվում են երիտասարդության հիմնախնդիրներին նվիրված գիտաժողովներ ու սեմինարներ, թեմատիկ ցուցահանդեսներ: Առաջնահերթությունների թվում են տարբեր ոլորտների տաղանդավոր երիտասարդների բացահայտումն ու խրախուսումը: 2009 թվականին Գագիկ Ծառուկյանը 100 հազար դոլլար է հատկացրել Հայաստանի մայր բուհին` Երևանի պետական համալսարանին, անապահով ուսանողների վարձերը վճարելու համար: Եվս 10 միլիոն դրամ հատկացվել է Հայբուսակ համալսարանին: Մեծածավալ միջոցառումներ են կազմակերպվել Հայոց բանակի ստեղծման 17-ամյակի, Ուսանողության միջազգային տոների կապակցությամբ: Այս ամենից զատ Փարիզի կենտրոնում ձեռք է բերվել արվեստանոց- տարածք, որտեղ մշակույթի ոլորտի ուսանողները կարող են անվճար վերապատրաստվել:
Գործունեության առաջին իսկ օրվանից Գագիկ Ծառուկյանն առաջնահերթ է համարել ուշադրությունը երիտասարդ կադրերի հանդեպ, կարևորել նրանց պատասխանատու ոլորտներ վստահելու և հայրենիքում ինքնադրսևորվելու անհրաժեշտությունը: Հաճախակի հանդիպումների ընթացքում Գագիկ Ծառուկյանն անձամբ է ծանոթացել երիտասարդներին մտահոգող խնդիրներին ու ցանկալի լուծումներ տվել դրանց՝ զբաղվածության խնդրից մինչև անվճար փոխադրամիջոցներ, ուսման վարձավճարներից, կրթաթոշակներից ու դրամաշնորհներից մինչև խրախուսական պարգևներ ու գիտակրթական ամենատարբեր ծրագրեր: Պատահական չէ, որ նոյեմբերի 17-ին՝ ուսանողների միջազգային օրը, արդեն տարիներ շարունակ հազարավոր երիտասարդների հետ տոնում է նաև Գագիկ Ծառուկյանը և նրանցից լավագույններին անձամբ պարգևատրում բարեգործական հիմնադրամի անվանական կրթաթոշակներով: Վերջին տարիներին հիմնադրամի հովանավորությամբ կյանքի են կոչվում բազմաթիվ մեծամասշտաբ ծրագրեր, որոնցում իրենց ակտիվ մասնակցությունն են ցուցաբերում հազարավոր երիտասարդներ ոչ միայն Հայաստանից, այլև աշխարհի ամենատարբեր երկրներից:
Մեծ հաջողությամբ անցկացված «Ծաղկաձոր 2011» ԱՊՀ երկրների միջազգային երիտասարդական կրթական ֆորումին հաջորդեց տարածաշրջանում նախադեպը չունեցող «Երիտասարդ Եվրասիա» միջազգային նորարարական ֆորումը, որին մասնակցեց ԱՊՀ և բալթյան 15 երկրների տարբեր ոլորտներ ներկայացնող ավելի քան 600 երիտասարդ: Ոչ միայն նոր կապեր ու ծանոթություններ, այլև փորձի փոխանակում, գիտելիքների համալրում, առողջ բանավեճ, տարբեր հիմնախնդիրների վերաբերյալ սեփական ու համարձակ լուծումներ: Այս նախաձեռնությունն արդյունավետ գործակցության սկիզբ է դարձել տարբեր ազգություններ ներկայացնող բազմաթիվ երիտասարդների միջև: Հիմնադրամի աջակցությամբ տարիներ շարունակ մեր երկրի բազմաթիվ երիտասարդներ հնարավորություն են ունեցել մասնակցելու նաև Ռուսաստանի Դաշնության Տվերի մարզում անցկացվող Սելիգեր ամենամյա միջազգային երիտասարդական ֆորումին: Միջոցառումը, որին մասնակցել են նաև 1000-ավոր երիտասարդներ ամբողջ աշխարհից, հնարավորություն է ընձեռել ոչ միայն նոր կապեր ու ծանոթություններ հաստատել, այլև օրեր շարունակ հանդիպումներ անցկացնել տարբեր ոլորտների առաջատար մասնագետների, քաղաքական գործիչների և հեղինակավոր անձանց հետ: Ֆորումի ընթացքում երիտասարդները տարաբնույթ սեմինարների, համաժողովների և դասընթացների են մասնակցել՝ համալրելով գիտելիքներն ու ընդլայնելով գործակցության հեռանկարները:
«Գագիկ Ծառուկյան» բարեգործական հիմնադրամի աջակցությամբ իրականցվող նախաձեռնությունները, որոնց մասնակցություն են ցուցաբերում նաև հարյուրավոր երիտասարդներ, բազմաթիվ են և բազմաբնույթ: Դրանցից շատերը սկիզբ են առել հիմնադրամի գործունեության առաջին իսկ տարվանից և մինչև այսօր էլ շարունակվում են մեծ հաջողությամբ՝ վերածվելով արդեն բարի ավանդույթի : Ամանոր, Սուրբ Սարգիս, Մարտի 8, Ապրիլի 7, Վերջին զանգ, Մայիսի 28, Սեպտեմբերի 1: Սրանք տոներ են,որոնք «Գագիկ Ծառուկյան» բարեգործական հիմնադրամի շնորհիվ տարիներ շարունակ ժպիտ ու հիշարժան ակնթարթներ են պարգևում հարյուր հազարավոր մարդկանց:
Լուրեր
Շիրակի մարզի երեխայի ու ընտանիքի աջակցության կենտրոնը նոր խաղահրապարակ ունի
Լուսանկարներ
Արձագանքներ
