ԳԱԳԻԿ ԾԱՌՈՒԿՅԱՆ

Սիրելի՜ հայրենակիցներ, Ինչպես գիտեք, հանրապետությունում նոր տեսակի կորոնավիրուսի տարածման պայմաններում ի սկզբանե «Գագիկ Ծառուկյան» բարեգործական հիմնադրամի կողմից իրականացվել են ինչպես կանխարգելիչ միջոցառումներ, այնպես էլ ՝ ստեղծված իրադրության պայմաններում խոցելի խմբերում գտնվող մեր հազարավոր հայրենակիցներին աջակցության տրամադրման ծրագրեր:

Հայտնում ենք, որ Հիմնադրամը, հավատարիմ լինելով իր կողմից որդեգրված սկզբունքներին և մշտապես քաղաքացիների կողքին լինելու հանձնառությանը, շարունակում է իրականացնել սոցիալական աջակցության ծրագրեր հանրապետության տարբեր շրջաններում՝ նպատակ ունենալով հնարավորինս նվազեցնել դժվարին իրավիճակում հայտնված մեր հայրենակիցների հոգսը:

Այս օրերին «Գագիկ Ծառուկյան» բարեգործական հիմնադրամի կողմից իրականացվել են աջակցության ծրագրեր տարբեր մարզերում և ծրագիրը կրելու է շարունակական բնույթ:

Հարգելի՜ քաղաքացիներ, ևս մեկ անգամ ցանկանում ենք վերահաստատել, որ վերոնշյալ ծրագրերը կրելու են շարունակական բնույթ և «Գագիկ Ծառուկյան» բարեգործական հիմնադրամը ցանկացած իրավիճակում պատրաստակամ է լինել մեր ժողովրդի կողքին:

Մաղթում ենք ձեզ ոգու ամրություն և քաջառողջություն, ինչպես նաև կոչ ենք անում հետևել առողջության պահպանման կանոններին: Միասնաբար կհաղթահարե՜նք այս դժվարին իրավիճակը:

Աստված պահապան մեզ բոլորիս: